"Indverskir grænmetisréttir" hefur verið sett í körfuna þína.

Skoða körfu

Indverskir grænmetisréttir

16.900 kr
Uppselt

Grænmetisréttir eiga sér langa sögu á Indlandi og þeir kunna sérlega vel að matreiða þá svo vel sé. Við mörg hátíðleg tilefni, þar sem Indverjar vilja skarta sínu fegursta og bera á borð hið besta sem býðst, eins og t.d. við brúðkaup, er uppistaðan í matnum nánast alltaf grænmetisréttir.  Á þessu námskeiði munum við læra að matbúa grænmetisrétti úr linsum, hrísgrjónum og grænmeti sem eru ekki einungis rétt settir saman í næringarfræðilegu tilliti, heldur einnig auðveldir að matbúa með nokkrum lykil-hráefnum. Hvert og eitt svæði í Indlandi hefur sinn háttinn á og munum við reyna að sýna fram á hversu ótrúlega fjölbreytt og svæðisbundin indversk matreiðsla getur verið. Shruthi lofar því að enginn mun sakna kjöts eða fisks eftir að hafa prófað þessa rétti.

Shruthi hefur búið á Íslandi um skeið en er upprunalega frá Bangalore í suðurhluta Indlands. Hún er menntaður arkitekt en hefur bakgrunn í matreiðslu og hefur ákaflega gaman af því að miðla matarmenningu síns heimalands til okkar Íslendinga. Kennt er á ensku.

Næstu námskeið

Haustönn 2017: 26. september og 8. nóvember

Innifalið er allt hráefni, kennsla matreiðslumanns, þjónusta uppvaskara/aðstoðarmanns, afnot af svuntu og öllum áhöldum. Þátttakendur fá uppskriftamöppu til eignar. Síðast en ekki síst er slegið upp veislu í lok námskeiðsins, þar sem þátttakendur gæða sér á afrakstrinum ásamt glasi af góðu víni.

Kennari á námskeiðinu er Shruthi Basappa

Námskeiðið hefst kl 17:00 og stendur í 3 ½ -  4 klst

Lágmarksfjöldi þátttakenda á þetta námskeið er 8.

Við minnum fólk á námskeiðs- og tómstundastyrki verkalýðsfélaga og fyrirtækja, sem endurgreiða námskeiðskostnað.