Hópar
ÞAÐ ER GAMAN AÐ ELDA SAMAN!
Við hjá Salt Eldhúsi bjóðum upp á fjölbreytt úrval námskeiða, fyrsta flokks aðstöðu og frábæra kennara. Við bjóðum einnig upp á einkanámskeið fyrir hópa, t.d. fyrirtæki og stofnanir eða fjölskyldur og aðstoðum við að skipuleggja skemmtilega kvöldstund eða dagspart.
HÓPEFLI - Námskeiðin okkar eru tilvalin vettvangur fyrir hópefli. Námskeiðin okkar eru markviss og skemmtileg í senn ásamt því að bjóða upp á einstaka upplifun.
Er kominn tími á að hrista hópinn saman? Hefur þú tekið eftir því að skemmtilegasta partíið er alltaf í eldhúsinu? Á námskeiðum okkar vinna þátttakendur að sameiginlegu markmiði. Í matargerð lærist að samvinna er lykill að góðum árangri. Sameiginlegt borðhald í lok námskeiðs innsiglar svo jákvæða upplifun og góða strauma á milli þátttakenda.
AÐ STYRKJA TENGSLIN - Að elda saman í hóp er frábær og afslappandi leið til að hitta og kynnast viðskiptavinum sínum eða efla tengsl innan stjórna og stjórnendateyma fyrirtækja, svo dæmi séu tekin. Salt Eldhús hentar einstaklega vel sem vettvangur fyrir slíka viðburði og hefur yfir að ráða einstaklega fallegu og vel útbúnu eldhúsi og samliggjandi borðstofu, sem skapa þægilegt andrúmsloft, ásamt frábæru útsýni yfir Reykjavík, Hallgrímskirkju, Hörpu, gömlu höfnina, Esjuna og Snæfellsjökul.
EINSTÖK UPPLIFUN FYRIR FJÖLSKYLDU OG VINI – Er stórafmæli í vændum? Viltu gera eitthvað öðruvísi með fjölskyldu og vinum? Námskeið hjá okkur með fjölskyldu og vinum er einstök upplifun.
HVAÐA NÁMSKEIÐ ERU Í BOÐI FYRIR HÓP? - Flest námskeiðin í Salt Eldhúsi geta verið grunnur að einkanámskeiðum fyrir hóp, gjarnan í örlítið breyttri mynd fyrir hópinn. En svo erum við með nokkur önnur námskeið á kantinum líka. Einnig er mögulegt að bæta t.d. vín- eða bjórsmökkun við námskeiðin okkar.
HÓPASTÆRÐ - Stærð hópa hefur áhrif á hvaða námskeið henta. Flest námskeiðin henta vel fyrir allt að 20 manna hóp. Fyrir stærri hóp (20-40) eru það einkum námskeið þar sem eldaðir eru smáréttir eða götubiti (street-food) sem henta.
TÍMI - Námskeiðin okkar eru mislöng, yfirleitt 2-4 klst. Kvöldnámskeiðin byrja oftast kl 17:00, hádegisnámskeiðin gjarnan kl 10:00 eða 11:00.
HAFA SAMBAND - Nánari upplýsingar í síma 551-0171 eða með tölvupósti info@salteldhus.is