Indversk matargerð

Matargerð Indlands er jafn fjölbreytt og landið er stórt og fjölbýlt. Íslendingar eru vanir því að borða á indverskum veitingahúsum, á Íslandi sem og erlendis og þekkja því nokkuð til þessarar matargerðar. Einhverja hluta vegna eru margir þó hræddir við að hella sér út í indverska matargerð sjálfir. Nú gefst hins vegar kjörið tækifæri til þess að bæta úr því og læra að elda indverskan mat.

Kennari á þessu námskeiði er Shruthi Basappa. Shruthi hefur búið á Íslandi um skeið en er upprunin frá Bangalore í suðurhluta Indlands. Hún er menntaður arkitekt en hefur bakgrunn í matreiðslu og brennandi áhuga á öllu sem viðkemur mat. Shruthi hefur ákaflega gaman af því að miðla matarmenningu síns heimalands til okkar Íslendinga.

Shruthi leiðir þátttakendur í gegnum nokkra mismunandi rétti og tækni á bak við það hvernig Indverjar byggja upp kryddin í matargerðinni. Hún eldar heimilismat frá heimabæ sínum og kennir okkur að elda rétti sem hún lærði hjá mömmu sinni. Í lok námskeiðsins er að sjálfsögðu slegið upp veislu með hlaðborði með indverskum réttum. Athugið, þetta námskeið er kennt á ensku.

Matseðill á námskeiðinu:

• Beans Palya
• Raita
• Carrot Southekayi Kosambari
• Chicken Chettinad
• Roti
• Kumro Chenchki
• Jeera Alu
• Lahsuni Dal