Matarveisla frá Marokkó með Miu

Marókkóskur matur er frægur um allan heim. Í Marokkó er jarðvegur frjór og landið gjöfult og matarmenning á sér mjög langa sögu aftur í tímann. Krydd eins og kanell, engifer, saffran, pipar, kóríander og kummin gefa mildan tón í matreiðsluna og með saltlegnum sítrónum og sætum ávöxtum og döðlum verður útkoman dásamleg. Soumia Georgsdóttir eða Mia eins og hún er kölluð hefur búið á Íslandi í 20 ár en er fædd í Marrakech eða rauðu borgina í Marókkó. Mia er viðskiptafræðingur að mennt og hefur brennandi áhuga á öllu sem viðkemur mat. Mia hefur ákaflega gaman af því að miðla matarmenningu síns heimalands til okkar Íslendinga og á þessu námskeiði kennir hún okkur að laga nokkra af þekktustu og bestu réttum þessa fallega lands.

• Marokkóskt gulrótasalat
• Harira súpa
• Zaalook - eggaldinréttur
• Tómatasalat með cummin og ólífuolíu
• Tagine með kjúkling og söltuðum sítrónum
• Tagine með lambi og sveskjum
• Appelsínusneiðar með kanil og sykri
• Myntu te