DEIG!
Á þessu námskeiði er kennt að gera nokkrar klassískar deig tegundir sem gaman er að ná góðum tökum á. Við byrjum námskeiðið á að sjá hvernig franskt snúðadeig „Brioche“ er gert og bökum úr því bæði pistasíu og kanelsnúða. Þá förum við í að fullkomna bökudeig og förum í saumana á því hvað gerir bökudeig fullkomið. Við lærum nokkrar sniðugar aðferðir og öll “trixin” og hver nemendi gerir sína böku, annaðhvort epla eða spínatböku. Því næst lærum við að gera smjördeig með mun fljótlegri aðferð en þeirri klassísku. Smjördeigið takið þið með heim til að nota síðar og fáið uppskriftir með ykkur, en í tímanum gerum við eplasmjörhorn. Við gerum vatnsdeig og förum yfir hvað er hægt að baka fjölbreyttar kræsingar úr því, gerum vatnsdeigsturn „profiteroles“ með súkkulaðisósu í tímanum, og ískrem til að fylla bollurnar. Í lok tímans gæðum við okkur á sætindunum með kaffi eða te og nemendur taka síðan sína böku og smjördeig með sér heim.
Á námskeiðinu er kennt að gera:
Snúðadeig
- Kanelsnúðar
- Pistasíusnúðar
Vatnsdeig (choux pastry)
- Vatnsdeigs turn (profiteroles)
Bökudeig (shortcrust pastry)
- Grænmetisbaka
Sætt bökudeig (sweet shortcrust pastry)
- Frönsk eplabaka
Smjördeig (puff pastry)
- Eplasmjörhorn
Innifalið er: allt hráefni, fyrsta flokks aðstaða, afnot af svuntu og áhöldum sem til þarf auk umbúða fyrir það sem þið takið með heim. Einnig er aðstoðarmanneskja/uppvaskari þátttakendum innan handar á námskeiðinu.
Boðið verður upp á hressingu, kaffi eða te þar sem einnig verður smakkað á góðgætinu sem bakað er á námskeiðinu. Að lokum taka allir sína böku með sér heim ásamt smjördeiginu sem gert er.
Kennari á námskeiðinu er Sigríður Björk Bragadóttir matreiðslumaður.
Námskeiðið hefst kl 11:00 og stendur í um 3 klst
Við minnum fólk á námskeiðs- og tómstundastyrki verkalýðsfélaga og fyrirtækja, sem endurgreiða námskeiðskostnað.