Töfrar Persíu með Atefeh

Matargerð í Íran er fjölbreytt og maturinn fallegur, litríkur og rómantískur. Á þessum slóðum nota menn mjúk og mild krydd í matinn eins og myntu, kanill, kardimommur og saffran og bera fram te með rósablöðum og engifer. Atefeh Bour Bour er írönsk og stundar BA nám í íslensku við HÍ. Hún er menntaður næringafræðingur og bókari og er þar að auki með mikla ástríðu fyrir matargerð. Hún elskar að elda mat frá heimalandi sínu og ætlar nú að kynna fyrir okkur matargerð og menningu þessa heimshluta. Atefeh lærði að elda hjá mömmu sinni, móðursystrum sínum og ömmu sinni, en allar eru þær snillingar í matargerð. Réttirnir sem verða eldaðir þetta kvöld eru í uppáhaldi hjá fjölskyldu hennar.

Réttir sem eldaðir verða:

• Kashke Bademjan - Eggaldinréttur með valhnetum
• Tahchin - Saffranhrísgrjón með kjúkling, kanil og kardimommum
• Ashereshte - Írönsk spínatsúpa með kjúklingabaunum og kóríander
• Dolme - Nautakjöt í papriku
• File morgh zaferani - Kjúklingalundir kryddaðar með saffran
• Damnoush - Íranskt te með þurrkuðum rósum
• Fylltar döðlur með mjúkum möndlum