"Páskabröns" hefur verið sett í körfuna þína.

Skoða körfu

Páskabröns

16.900 kr
- +

Það er víða vinsælt að bjóða í dögurð eða bröns um páskana. Fjölskyldur og vinir geta þá komið saman þegar allir, börnin líka, eru upplagðir og hressir. Á þessu námskeiði matreiðum við spennandi rétti sem henta vel í bröns. Við förum í smá heimshornaflakk og tökum það besta frá hverju landi. Við fáum okkur mímósu, sem er ávaxtasafi blandaður kampavíni, lærum að gera egg benedicte með ekta hollandaise sósu, fullkomnar og undurléttar breskar skonsur með graslauk og lax,  skemmtilega útgáfu af  ítölskum rétt sem heitir vitello tonnato, eða kálfakjöt með túnfisksósu en notum kalkúnabringu í staðinn og ýmislegt annað spennandi. Í eftirrétt lærum við að útbúa ekta franska sítrónuböku með sykurgljáðum marens og endum á spönskum churros sem við dýfum í súkkulaði. Uppskriftirnar eru flestar nokkuð einfaldar og reynt að haga matseðli þannig að hægt sé að gera matinn að einhverju leyti fyrirfram og að maturinn sé fallegur, góður og hátíðlegur.

Næstu námskeið

Vorönn 2018: 18. mars

Kennari á námskeiðinu er Sigríður Björk Bragadóttir matreiðslumaður og eigandi Salt Eldhúss

Námskeiðið hefst kl 11:00 og stendur í 3 ½ -  4 klst

Lágmarksfjöldi þátttakenda á þetta námskeið er 8.

Við minnum fólk á námskeiðs- og tómstundastyrki verkalýðsfélaga og fyrirtækja, sem endurgreiða námskeiðskostnað.