Matarveisla frá Marokkó
Marókkóskur matur er frægur um allan heim. Í Marokkó er jarðvegur frjór og landið gjöfult og matarmenning á sér mjög langa sögu aftur í tímann. Krydd eins og kanell, engifer, saffran, pipar, kóríander og kummin gefa mildan tón í matreiðsluna og með saltlegnum sítrónum og sætum ávöxtum og döðlum verður útkoman dásamleg. Á þessu námskeiði eldum við nokkra af þekktustu og bestu réttum þessa fallega lands:
- Harira súpa
- Marokkóskt gulrótarsalat með söltuðum sítrónum
- Zaalook - eggaldinréttur
- Grasker með hunangi og sætum pipar
- Tagine með kjúkling, söltuðum sítrónum og grænum ólífum
- Tagine með lambi og sveskjum
- Batbout (brauð)
- Backlava
- Myntu te
Innifalið er allt hráefni, kennsla, uppskriftir, þjónusta uppvaskara/aðstoðarmanns, afnot af svuntu og öllum áhöldum. Síðast en ekki síst er slegið upp veislu í lok námskeiðsins, þar sem þátttakendur gæða sér á afrakstrinum. Uppskriftir sendar í tölvupósti eftir namskeiðið.
Kennari á námskeiðinu er Sigríður Björk Bragadóttir matreiðslumaður
Námskeiðið hefst kl 17:00 og stendur í um 3 ½ klst
Lágmarksfjöldi þátttakenda á þetta námskeið er 12
Við minnum fólk á námskeiðs- og tómstundastyrki verkalýðsfélaga og fyrirtækja, sem endurgreiða námskeiðskostnað.