"Jóla - Galdrar" hefur verið sett í körfuna þína.

Skoða körfu

Jóla - Galdrar

14.900 kr

Dagsetning

- +

Á aðventukvöldunum með Sirrý ætlum við að galdra fram allskyns kræsingar sem gott er að gæða sér á um jólin eða á aðventunni en henta líka einstaklega vel sem jólagjafir. Við búum til notalega jólastemmningu á meðan við  sjóðum, sultum, steikjum og föndrum og hlustum á jólalög.

Afrakstrinum munum við svo pakka í fallegar umbúðir, tilbúið fyrir ykkur að njóta eða gefa í gjafir þegar nær dregur jólum.

Á Jólagöldrum 2019 gerum við kjúklingalifrapaté, rauðlaukssultu, karamellusósu Salt Eldhúss og bökum ítalskar cantuccini möndlukökur sem eru litlar biscotti kökur frá Toskana héraði.

Við verðum líka með sýnikennslu og smökkun á nokkrum fljótlegum og auðveldum matarjólagjöfum. Í matarhléi gæðum við okkur á ljúffengri súpu og brauði.

Næstu námskeið

Hautönn 2019: 13. nóvember, 18. nóvember, 20. nóvember, 21. nóvember, 25. nóvember, 27. nóvember, 2. desember, 5. desember, 9. desember, 11. desember og 12. desember.

Innifalið er allt hráefni, kennsla matreiðslumanns, þjónusta uppvaskara/aðstoðarmanns, afnot af svuntu og öllum áhöldum, umbúðir fyrir kræsingarnar og uppskriftir. Við bjóðum þátttakendum upp á súpu og brauð í kvöldverðarhléi.

Kennari á námskeiðinu er Sigríður Björk Bragadóttir, matreiðslumaður og eigandi Salt Eldhúss

Námskeiðið hefst kl 17:00 og stendur í 3 ½ klst

Lágmarksfjöldi þátttakenda á þetta námskeið er 8.

Við minnum fólk á námskeiðs- og tómstundastyrki verkalýðsfélaga og fyrirtækja, sem endurgreiða námskeiðskostnað.