Ítalska eldhúsið
Ítalska Eldhúsið er þekkt út um allan heim m.a. fyrir pastaréttina sem þaðan koma en Anna Soffía Ásgeirsdóttir matreiðslumaður veit af eigin raun að frá Ítalíu kemur fleira gott en bara pasta. Anna Soffía lærði iðn sína á ítalska staðnum La Primavera þar sem hún vann síðan árum saman. Hún hefur tekið saman nokkra af sínum uppáhalds ítölsku réttum sem við fáum að njóta og útbúa þessa kvöldstund.
Á námskeiðinu lærið þið að:
- Gera risottó frá grunni
- Laga ljúffenga hvítlaukssúpu
- Gera ricottaost frá grunni
- Útbúa þrjár tegundir af ítölskum „crostini“ snittum
- Elda spennandi rétt með kálfakjöti í víni
- Læra að „flambera“
- Læra að baka biscotti kökur
- Útbúa eftirrétt og setja hann upp á spennandi hátt
- Baka brauð
Innifalið er allt hráefni, kennsla matreiðslumanns, þjónusta uppvaskara/aðstoðarmanns, afnot af svuntu og öllum áhöldum. Þátttakendur fá uppskriftamöppu til eignar. Síðast en ekki síst er slegið upp veislu í lok námskeiðsins, þar sem þátttakendur gæða sér á afrakstrinum.
Kennari á námskeiðinu er Anna Soffía Ásgeirsdóttir matreiðslumaður
Námskeiðið hefst kl 17:00 og stendur í 3,5 klst
Lágmarksfjöldi þátttakenda á þetta námskeið er 10.
Við minnum fólk á námskeiðs- og tómstundastyrki verkalýðsfélaga og fyrirtækja, sem endurgreiða námskeiðskostnað.